Schwäbische Sprüche und Redensarten
Mei Sammlung „Schwäbische Sprüche und Redensarten“ wächst und gedeiht… Die Schwoba send halt ned auf’s Maul g’falle!
A guata Supp hot no koim Domma gschadet!
A guate Supp wärmt von inne.
A Gsunds isch Besser als a Reichs.
A rechts Veschper g’hört drzua.
A scheana Schissl geit scheane Scherba.
A Sparbüchs isch schneller gleert als voll.
Am beschda kommt’mer, wenn schon g’schaffd isch, aber no it gessa!
An alter Besa kehrt au guat.
An g’scheiter Kopf basst unter jeden Hut.
An guatr Wei braucht koin Kranz.
Aus’re scheena Schissl hosch no long it gessa!
Bei dir schaffd au bloß dr Moschd im Keller!
Beim Erdepfelsalad herd dr’Schbass uff!
Besser als a Gosch voll Glufa.
Besser an kloiner Herr als a großer Knecht.
Besser hon als brauche.
Bevor i mi aufreg, isch’s mir liabr egal.
Bloß faule Mädle schneided dicke Rädle.
Da kasch uff dr’Sau nus ond auf de Borschda wieder nei!
Da saisch am beschta nix, no kommsch in nix nei.
Däd i it druffsitza, däd mr’s Fiedle schwätza.
Deane lauft dr’Rotz broidschpurig d’Backe nuf.
Des kasch du halta wia der Sell uff’m Dach – der hot sich it ghalta ond isch na’keit.
Des koscht a Stang‘ Geld.
Des schmeckt wie ei’gschlofene Füaß.
Dir ka ma jo ondram Laufa d’Schuah besohla!
Do hot dr’Zemmermoh s Loch glau!
Do isch d’Hebamm au nemme schuldig.
Do liegt dr Hund begraba!
Dr Ärger isch a Gift, des ma selber trinkt.
Dr Hunger treibt’s nei – und dr Geiz b’hälts drin.
Dr „Wenn“ und dr „Hett“ hend no nie nix g’het.
Du bisch a Kerle wia mei Heinerle … den hen d’Enda auf dr’Mischde verdabbd.
Du bisch a Kerle wia mei Heinerle … und den hend d’Goisa verdabbd!
Du bisch dr’Beschd vo dene, dia ned so guad send.
Du bisch dr’Hellschde von de Kohlesäck.
Du bisch an Kerle wia am Heiland sein Gaul … ond dr’sell isch an Esel gwäa…
Du hasch recht ond I mei Ruh.
Du hosch dein Kopf au blos zum Hoor schneida.
Du siehsch aus wias Kätzle am Bauch.
Durscht isch schlimmer als Hoimweh.
Es isch noch koi Gois im Räge versoffa.
Glei isch’s rum.
Grad zum Fleiß!
Gottes schönschte Gabe isch der Schwabe.
Stelen – schwäbische Sprüche und Redensarten maulend © Bild: Wolfgang Autenrieth
Hald dai Gosch… dann grieagsch koine uffs Maul.
Heiligs Blechle!
Herrgottsbscheisserle gond immer mit Herdäpfelsalad und Brüh.
I will abr! Dr Willi isch geschtern g’schtorbe!
Id ärgra, blos wondra.
Jed’s Häfele findet sei Deckele.
In dr Not frisst dr Deufel Fluiga.
It g’scholte, isch g’lobt gnuag.
Kehrwoch isch immer.
Kind iß no, dass de was wirscht – nix bisch‘ scho.
Kommet, mir ganged.
Krähd dr Gockel uffem Mischd, dreht sich s’Wetter oder’s bleibt, wie’s isch.
Kriad dr’Arsch au Falda, mr bleibad doch die Alda!
Loss mir mei Ruah!
Legged mi doch älle mol am Fidle.
Lieber a bissele z’viel als gar nix.
Liaber an Ranza vom Essa wia an Buggl vom Schaffa.
Liegt dr Bauer tot im Zimmer, lebt er nimmer.
Lieber dr Mage verrenkt als em Wirt was geschenkt.
Liegt Schnee ufm Glendr ischs Wendr, liegt s’Glendr em Schnee, dann isch s’Glendr hee.
Ma derf dia küha net sovill loba, sonscht gäbet se koi Milch!
Ma g’schenkte Gaul guggt mr it ins Maul. Der gibt immer no a guate Wurscht.
Ma sott nia mai saufa ond fressa, wia mit äller Gwalt neigoht.
Mach’s Loch zua! Hend ihr Pfannakuacha drhoim ond d’Meis hend’se weggfressa?
Magsch Moscht – dann magsch mi.
Manchmol isch’s nachts kälder wie drauße.
Mir schwätzed, wie uns dr‘ Schnabel g’wachse isch.
Morga Fria ischd Nachd rom.
Mr wird alt wie a Kuh und lernt immer no drzua.
Net schwätza – sondern oifach macha.
No nix verkomme lasse.
Nix isch umsonst, bloß dr Tod. Abr der koscht’s Leba.
„No ganget mr halt“ hot dr’Papagei g’sait, wo’n d‘Katz d‘Stiega na’gschloift hot.
No koin Debb an d’Deichsel.
No koine Zäh en dr’Gosch, aber La Paloma pfeifa wella!
No ned huddla.
Oba hui – und unda pfui.
Ohne Hirn bisch wia an Depp.
Oin Seggl kommd selda alloi.
Onderm Dregg isch es au sauber…
S’geiht nix bessers, als was Guats.
S’Geld liegt uf dr Stroß, ma muaß sich bloß bücka.
S’Geld wächst net auf de Beem.
S’gibt nix, was ’s net gibt.
S’Gras waxt it schneller, wenn mr dra zieht.
S’isch mer Wurscht.
S’isch, wie’s isch!
S’isch no koin Meischdr vom Hemml gfalla – abr scho an Haufa vo dr’Loider.
S’Leaba isch koin Ponyhof.
S’Leaba isch koin Schlotzer.
Saufsch – schtirbsch, saufsch ned – schdirbsch au. Also sauf’sch.
Schaffa, schaffa, Häusle baua!
Schau mir net ins Maul, sondern uf d‘ Händ.
Scheeheit vergoht – Hektar b’stoht!
Sell isch g’wies, an Agger isch koi Wies.
So an Käs!
So isch es au wieder….gelledse.
Solang du deine Fiaß oder mein Disch schdeksch…
Solang no g’orglet wird, isch d’Kirch it aus.
Spätzle, Porsche, Benz: Mir Schwoba hends!
Stammtisch: Dohoggeddiediedoemmerdohogged
Honoratioren-Stammtisch:
Dositz
eddiedi
edoem
mersit
zed
Steig mir doch in d’Dasch nei!
Uff älle Fäll – scheisst Kuah koine Bäll.
Viele dünne Spätzle machet au en broide Arsch.
Vo nix kommt nix.
Vom schaffe isch no koiner reich worre.
Was dr Bauer it kennt des frisst er ned.
Was i heit it woiß, ka i morga scho it vergessa.
Was nix koscht, isch au nix wert.
Was willsch vo’ma Rindvieh scho erwarta, außer’me Breggl Floisch?
Wenn d’Anna haget noch dagets.
Wenn des Wörtle ‚wenn‘ it wär, wär so Mancher Millionär.
Wenn die die henn, na henn die die!
Wenn dr’Hund ned g’schissa hätt, hät’r de Haas d’erwischt.
Wenn dr Klügere nochgibt, hot dr Dumme g’wonne.
Wenn dr’Vater an Dackel isch, ka dr’Jong koin Schäferhond sei…
Wenn du morge nix zum schaffe hosch, käm i vorbei und dät dir helfe.
Wenn ebes guat isch, no soll mr’s ned besser macha welle.
Wenn i du wär, wär‘ i lieber i.
Wenn I meine Kiachla en dein Schmaalz bacha derf, no derfsch du dei Floisch au en meim Kraut kocha .
Wenn no älle so wäred wia i sei‘ sodd!
Wenn’s am Samschdich ōbend schneid, isch dr’Sonndich nimme weid.
Wenn’s Ärschle brummt, isch s’Herzle g’sund.
Wenn’s Weddr so bleibt, isch s’Morga wia heit.
Wer reitet so spät durch Nacht und Wind? S’isch der Schwob, der sucht sei Kind.
Wer viel schwätzt, hot wenig zum sage.
Wer z’schpät kommt, den bstraft’s Leba.
Wie ma’s macht, isch’s nix.
Wo Rauch isch, isch au Feuer.
Zahl dei Zuig, noch brauchsch ned „dankschee“ sage!
Linkdipps zu Schwäbische Sprüche und Redensarten – und andere
Mei Linksammlung zu Sprichworte und Zitate: https://www.autenrieths.de/zitate.html
Mehr Schwäbisches
➥Der Schwäbisch-Alemannische Dialekt
➥Schwäbische Vornamen
➥Schwäbische Spottnamen
➥Schwäbische Paradoxa
➥Schwäbisch bruddla
➥Schwäbisch-Französisch
➥Schwäbische Sagen
➥Schwäbische Redensarten
➥Schwäbische Ausdrück
➥Schwäbische Maßeinheiten
➥Schwäbische Richtungsangaben
➥Schwabenwitze